Wednesday , November 13 2019
Breaking News
Home / Mission

Mission

ទិសដៅរបស់សម្ព័ន្ធភាពជាតិសមាគមក្រុមប្រឹក្សាក្រុង ស្រុក ខណ្ឌ ឃុំ សង្កាត់ គឺដើម្បី៖

  • ជួយក្រុមប្រឹក្សាក្រុង ស្រុក ខណ្ឌ ឃុំ សង្កាត់ ដែលជាស្ថាប័នប្រជាធិបតេយ្យឲ្យ​មានការពឹងផ្អែកលើខ្លួនឯង និងមាននិរន្តរភាព
  • ធ្វើឲ្យក្រុមប្រឹក្សាក្រុង ស្រុក ខណ្ឌ ឃុំ សង្កាត់ ឆ្លើយតបបានច្រើនចំពោះតម្រូវការ ជាពិសេស តម្រូវការរបស់ជនក្រីក្រ ស្រ្តី កុមារ និងក្រុមជនងាយរងគ្រោះ
  • ផ្តល់ និងសម្របសម្រួលកម្មវិធីអភិវឌ្ឍន៍សមត្ថភាព​ដល់ក្រុម​ប្រឹក្សា​ថ្នាក់​មូលដ្ឋាន​ និង​​រួមសហការជាមួយក្រសួង ស្ថាប័នពាក់ព័ន្ធ​នៅថ្នាក់​មូលដ្ឋាន ថ្នាក់ជាតិ និង​ថ្នាក់​អន្តរជាតិ ដើម្បីរៀបចំការបណ្តុះបណ្តាល ការផ្លាស់ប្តូរបទពិសោធន៍ និង​ការ​ផ្លាស់​  ប្តូ​រ​​ព័ត៌មាន
  • ជម្រុញការសហការនៅក្នុងចំណោមក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សា​ខណ្ឌ ក្រុមប្រឹក្សាឃុំ ក្រុមប្រឹក្សាសង្កាត់ ដើម្បីលើកកម្ពស់ និងសម្រេចបាននូវ​ស្វ័យអភិបាលកិច្ចមូលដ្ឋានតាមបែបប្រជាធិប​តេយ្យ​ឲ្យមានប្រសិទ្ធភាពខ្ពស់
  • ជម្រុញវប្បធម៌សហការ រៀនសូត្រ ចែករំលែកនៅក្នុងចំណោមក្រុមប្រឹក្សាក្រុង ស្រុក ខណ្ឌ ឃុំ សង្កាត់
  • លើកកម្ពស់ និងជម្រុញតួនាទីរបស់សម្ព័ន្ធភាពជាតិសមាគមក្រុមប្រឹក្សាក្រុង ស្រុក ខណ្ឌ ឃុំ សង្កាត់ និង​សមាគមក្រុមប្រឹក្សាថ្នាក់មូលដ្ឋាននៅតាមរាជធានី ខេត្ត ដែល​ជា​អង្គការតំណាង និង​ពិគ្រោះយោបល់សម្រាប់ក្រុមប្រឹក្សាក្រុង ស្រុក ខណ្ឌ ឃុំ សង្កាត់
  • បង្កើតច្រកទំនាក់ទំនង និងកិច្ចសហប្រតិបត្តិការជាមួយសមាគមអាជ្ញាធរមូលដ្ឋាន និងស្ថាប័នដែលមានទស្សនៈដូចគ្នា នៅបរទេសសម្រាប់ការរៀនសូត្រ និងចែក​រំលែក​បទពិសោធន៍ និងការគាំទ្រ
  • តំណាង ការពារ និងតស៊ូមតិសម្រាប់ជាផលប្រយោជន៍ ដោះស្រាយកង្វល់ និង​តម្រូវ​ការរួមរបស់​ក្រុមប្រឹក្សាថ្នាក់មូលដ្ឋានក្នុងការរៀបចំគោលនយោបាយ កម្មវិធី ច្បាប់ លិខិត​បទដ្ឋាន​នៅថ្នាក់ជាតិ និងថ្នាក់រាជធានី ខេត្ត
  • ទំនាក់ទំនង ពិគ្រោះយោបល់ និងរក្សាភាពជិតស្និទជាមួយក្រសួង ស្ថាប័នរបស់​រាជរដ្ឋាភិបាល គណបក្សនយោបាយ សមាជិកព្រឹទ្ធសភា រដ្ឋសភា អាជ្ញាធរមូល​ដ្ឋានជាតិ និងអន្តរជាតិលើបញ្ហាទាក់ទងនឹងអភិបាលកិច្ចមូលដ្ឋានក្នុង​ព្រះរាជាណា ចក្រ​​កម្ពុជា
  • ជម្រុញសមធម៌យេនឌ័រក្នុងនយោបាយមូលដ្ឋាន ដោយធានាការចូលរួម និង​ភាព​ជា​តំណាងរបស់ស្រ្តីនៅក្នុងរចនាសម្ព័ន្ធអភិបាលកិច្ចរបស់សម្ព័ន្ធភាពជាតិក្រុមប្រឹក្សា ថ្នាក់​​មូលដ្ឋាន និងផ្តល់ឱកាសដល់ស្រ្តីអាចចូលរួមយ៉ាងពេញលេញក្នុង​អភិបាល​កិច្ច​មូលដ្ឋាន
  • ពង្រឹងស្ថាប័នសម្ព័ន្ធភាពជាតិសមាគមក្រុមប្រឹក្សាក្រុង ស្រុក ខណ្ឌ ឃុំ សង្កាត់ ដែល​ជា​យន្តការតំណាងឲ្យក្រុមប្រឹក្សាថ្នាក់មូលដ្ឋានទូទាំងប្រទេស​ តាមរយៈសមាគម​ក្រុម​ប្រឹក្សា​ក្រុង ស្រុក ខណ្ឌ ឃុំ សង្កាត់នៅតាមរាជធានី ខេត្ត ក្នុងការរៀបចំការអភិវឌ្ឍ​សម​ត្ថ​​​ភាព ផ្តល់​ជំនាញ និងវិជ្ជាជីវៈដល់សមាជិក
  • ជម្រុញការអភិវឌ្ឍន៍សេដ្ឋកិច្ចមូលដ្ឋាន និងយកចិត្តទុកដាក់ចំពោះការប្រែប្រួល    អាកាសធាតុដោយមានការគាំទ្រ និងចូលរួមពីក្រុមប្រឹក្សាថ្នាក់មូលដ្ឋាន។